Un poema di G.P Flori: UNA SCAPPATA

Purtatu da un ventulellu
U ghjornu pianu finisce.
Mi porta cum'un riposu,
dandu ancù a l'acellu,
Chi a u luntanu sparisce
Un volu più graziozu.

U sole si n'hè andatu
A fa lume a l'astru mondu.
face locu a la luna
In ssu celu tantu stellatu
U mo sguardu trova ribombu
In ssi culori di furtuna.

Mi carezza u ventulellu,
Hè serenu stu mumentu
Ponu cantà e malacelle
a' l'intornu di u castellu
Nun mi portanu spaventu
Sott'a lu focu di e stelle.

Cum'è quandu nasce un fiore
A cuscenza di a natura
Mi ralegra cùn amore
Quand'ella m'offre e so ore
Cù la so menta sicura
Mi lascia cum'un favore.

L'arburu perde e so fronde
Fendu un mantellu a la terra
Copri cusi i ghjassi
E' a l'ombra di ste stonde
In sti lochi di a serra
Vuleria perde i mo passi.

Dui bracce m'hanu pigliatu sta sera
Mi stringhjenu e non fughju
L'aghju apertu e mo porte
E ùnn he micca addispera.
Per nun rompe u silenziu nun mughju
Offrendu a mo anima a sta notte.

Ghjanpa